MAIO, MES DAS FLORES E TAMÉN DAS LETRAS

Os Equipos de Biblioteca e de Dinamización Lingüística do noso centro propuxemos un concurso para a elaboración dun cartel anunciador das Letras Galegas 2013. Tratábase de atender a unhas bases escritas para facer un  bosquexo inicial e un bo traballo final.

Houbo moi boa participación do alumnado do 4º curso de EP. Gustaron moito tres carteis que curiosamente reflexaban a mesma idea en estilos diferentes.  ROBERTO VIDAL BOLAÑO no centro do escenario teatral , co seu sombreiro e a súa nariz de pallaso. Cumpliron coas bases e podemos ver os bos resultados!

Grazas a todos e todas polos vosos carteis! Noraboa aos finalistas e á gañadora do concurso, Cristina González.

 Xa comezamos ca elaboración de actividades arredor do homenaxeado este ano nas Letras Galegas.
Tomando como referencia a recopilación de actividades en liña que se propón dende o SEMINARIO GALÁN, LIMs feitos dende distintos coles, o Telexornal do CEIP de Rois,...e outros, documentámonos e iniciamos a NOSA rolda de traballo coas actividades programadas por ciclos.

E.I , os pequenos do cole, encárganse de facer un mural collage onde podan practicar as tarefas propias desta etapa: picar, recortar, pintura de dedos,...
O 1º ciclo de E.P atrévese a facer un comic biográfico de ROBERTO VIDAL BOLAÑO.
O 2º e o 3º ciclo de EP están a  elaborar unha exposición con paneis informativos sobre a obra do autor homenaxeado.
Pois, a traballar o mes de Maio, mes Das Letras!