Hoxe, 7 + 7 de xullo é noticia o oitavo e último dos encerros San Fermín 2015. Na capital de Navarra, en Pamplona!
"A San Fermín pedimos, por ser nuestro patrón que en este encierro nos dé su bendición. ¡Viva San Fermín!"
Berro, chupinazo e a correr co Miura polas rúas de Pamplona...
Tamén é noticia neste día que noutras zonas de España protestan porque non queren touros. Por exemplo, o novo alcalde da cidade da Coruña anulou a corrida de touros programada na cidade para o mes de Agosto.
No CEIP Plurilíngüe Santa Rita, en Galdo adiantámonos xa no Entroido a o Noso peculiar San Fermín 2015.
Indumentaria sinxela, roupa branca que trouxeron da casa (Grazas familias!) e faixa e pano vermello feito con bolsa de plástico. Para unha tropa menuda: Infantil .
Preparados para o encerro?!
Xornais envoltos na man... A falta do patrón Santo Fermín ...temos a Martín de 5 anos. Dende o alto berra para os corredores que axitan os xornais.
Viva o San Fermín!
A mestra Luisa convertiuse nun fermoso touro de Miura disposto a embestir...
Non houbo cornadas...pero case...
O encerro foi no Ximnasio. As lombeiras facían a función das defensas ou valados de madeira que poñen en Pamplona polas datas do San Fermín.
Que ben se caracterizaron! Metéronse de cheo no papel.
Estudaron a letra da canción que acompañou ao encerro:
Uno de enero, dos de febrero, tres de marzo, cuatro de abril....
Un de xaneiro, dous de febreiro, tres de marzo, catro de abril...
Por que Infantil San Fermín?
Dentro do noso Proxecto de Entoido temático de Mostra folclórica rexional inspirada no Espectáculo Sorolla do Ballet Nacional de España, ...a mellor opción para Infantil era un traxe sinxelo de elaborar e ao mesmo tempo algo moi vistoso no que a xente menuda poidese participar.
Unha das novas que saía en prensa e en televisión este fin de semana foi que o presidente da Real Academia Galega RAG ,Xesús Alonso Montero ,anunciou que o homenaxeado das Letras Galegas 2016 será o poeta lucense da Terra Chá...MANUEL MARÍA.
Para nós...unha alegría! Pois...gústanos a súa poesía!
Ademáis, a Real Academia de Galdo considera esta figura idonea para traballar no eido escolar polo seu grande valor didáctico . Ideal para traballar coa xente menuda!
Temos moitos recursos e o respaldo da Fundación que leva o seu nome
Un clásico da nosa literatura infantil... OS SOÑOS NA GAIOLA. (1ª edición no 1968) Existe o libro disco, proxecto de Suso Vaamonde 2006 a partir dos poemas.
Poemas que falan....do noso e da nosa!
As siglas RAG poden corresponderse a Real Academia Galega ou...Real Academia de Galdo!
Todos os anos, cando se acerca a festividade das Letras, o noso alumnado investiga e documéntase sobre a Real Academia Galega...Quen son? Que fan?...
A síntese á que chegan é algo así como...un grupo de xente moi sabida, moi estudosa, que decide a quen se lle adica cada ano As Letras Galegas...
Os maiores do cole, artistas dos paneis informativos, non acaban de entender como é a elección da persona homenaxeada cada ano. Para un maior entendemento, e a modo de humorística representación...creamos no nos cole a nosa propia RAG: Real Academia de Galdo!
Esta institución, sen ánimo de lucro, ten claro a quen lle adicaría AS LETRAS 2070... a Paco Luis Rodríguez Guerreiro, o que foi profesor titor dos grupos que agora van en 5º e 6º curso. Recoñecen o seu esforzo pola defensa pola Lingua e a Cultura Galega e lembran a súa diversa obra: poesías sobre as árboles e a ciencia, O Rap da Fariña, Teatro : As avoas eran ben boas, A Princesa do Courel que perdeu o anel, Os cegos e a vaca,... E miles de argalladas varias, todas elas en relación coa defensa da Lingua e a Cultura Galega.
Para nós é un orgullo que Paco Luis fora mestre no noso cole. Agora pasou a mellor vida, á vida de xubilado! El sempre dixo: "Tárdame xubilarme posto que teño moitas cousas que facer!" E así foi... O mestre de escola Paco Luis é a día de hoxe o presidente do Colectivo Pensamento e Sementeira. O mesmo colectivo que trae moitas actividades culturais a Viveiro: concertos de cantantes galegos de renome, cine e audiovisual galego coa oportunidade de falar e coñecer aos protagonistas,...
Grazas, mestre Paco Luis, polo teu legado!
Por que Letras Galegas 2070? Pois...porque esperamos unha longa vida para Paco Luis e...posto que hai que esperar mínimo 10 anos do seu falecemento para ser homenaxeado nas Letras Galegas...a conta sae no 2070, por exemplo!
Pode que a elección do homenaxeado sea polémica ou haxa xente que non lle guste a figura homenaxeada... Nunca chove a gusto de todos! Sirva de exemplo a proposta da RAG para As Letras 2015.
Unhas boas propostas que existen e que están máis que xustificadas para As Letras 2016: Manuel María ou Filomena Dato...
A Real Academia de Galdo apoia a proposta do Concello de Bergondo para adicarlle a Filomena Dato as Letras Galegas 2016!
O Grupo Editorial COMO CHO CONTO formado este ano por alumnado axudado polo Equipo de Dinamización da Lingua Galega, pide disculpas polo retraso que leva nas publicacións prometidas.
Alumnado de 5º e 6º Abalar e recente incorporación de alumnado de 4º curso (os novos "abalares" no curso vindeiro). Eles e elas, os protagonistas de dar as novas, de informarse e informar á poboación...
Radio e prensa escrita!
Este terceiro trimestre foi moi sobrecargado de traballos e proxectos varios para todos, alumnado e profesorado. O alumnado de 6º moi nervioso pensando na súa marcha e no Festival de Fin de Curso, ateigados de traballos para Comenius :bailes, gravacións... As saídas, preparar o Acto de Graduación,...
5º e 4º tamén notaron a presión, ademáis das clases, dos exames, tiveron que preparar as súas achegas para As Letras, GaldoNatura e Horto, Proxecto Terra, Actuacións para o Festival,...
O profesorado...non daba atopado momento de correxir o material que ía chegando...e tamén con moitas historias entre máns... Por iso a cousa retrasouse máis do previsto!
Non importa! Trátase do primeiro ano desta experiencia con xornalistas tan novos...imos amodo e aprendendo sobre seguro!
Este Grupo Editorial comezou o curso facendo Radio e traballando sobre guións, entrevistas, cuñas publicitarias,... Radio Galdo! Traballando pola e para a Escoita. Podcast de recitado especial Rosalía, teatro lido para radio sobre libros da biblioteca ou contos, curiosidades e celebracións... Gustoulles moito e colléronlle gusto a gravarse!
A tarefa complícase cando se trata da escrita para publicar, xuntando imaxe e texto para informar. Non lles resultou doado pero esforzáronse moitísimo para facelo ben e ir mellorndo os seus escritos.
As súas primeiras experiencias como xornalistas! Como xornalistas en Galego! Escribindo para este blog! Documentándose, narrando, elexindo as imaxes precisas,..
O Equipo de Dinamización da Língua logo das correcións pertinentes e revisións de todo o material feito e entregado, xa está a facer todo o posible para ir publicando neste blog todo ese traballo.
Sabemos que vos gustará! De novo disculpas e...ata a próxima publicación do xove Grupo Editorial Como cho conto!
Noraboa aos nosos compañeiros do CEIP Coirón de Dena, Pontevedra!Fixeron unha moi boa curta baseada no libro de Eva Mejuto, sobre a igualdade. Coa música da archicoñecida canción de Juanes, "Tengo la camisa negraaa..." pero... o que ten Pepiño é unha fame negraaa porque Maruxa se puxo en folga e non lle ten o pan.
Alegrámonos moitísimo do galardón ben merecido! O máis visto e votado! Ata a propia Eva Mejuto quedou marabillada, así o expresa no seu comentario.
Noraboa ao alumnado de do CEIP Coirón especialmente ao alumnado protagonista de 4º, e a eses artistazos de mestres! Artífice Rafa e velliñas Cuca e Eva, que fan o seu cameo no video!
Ca de traballiño que hai detrás de una curta!
O Festival do Olloboi pon de manifesto todo ese traballiño e tamén a increíble creatividade e arte que hai nos coles.
Cando remataremos nós a nosa curta? Imos ter que pedir axuda aos expertos de Coirón de Dena!
A semana pasada, o alumnado do actual 6º curso de Primaria (o ano pasado 5º curso) voltou a vestir os seus espectaculares traxes folclóricos de bolsa de plástico para gravar o baile rumano, dentro dunha actividade do Proxecto ComeniusShall we dance?
A mestra Maria Pernas adornou un pouco o escenario coas cores propias do Martisor: vermello de sangue e enerxía e blanco de pureza. Flores blancas e vermellas ao lado da bandeira rumana.
Logo da Gravación, a mesma María Pernas batallou co sotware de edición de video para facer a montaxe.
Velaí como quedou o video!
Espectacular,non si?
Pois...aproveitamos as mesmas flores para introducir a próxima entrada...dentro do obradoiro de traxes e a Mostra Folclórica Rexional, deste ano.
Desdeeste venres 10 até o 30 de Abril. Onde? No CENIMA , en Foz Exposición colectiva de artistas da nosa Comarca. Temática: A Mariña
Horario de visitas: De luns a venres , pola mañá de 10:00 a 14:00h e pola tarde de 19:00- 21:00h Sábado pola mañá de 19:00-21:00
Desde A Mariña, artistas e centros educativos vimos celebrando a boa calidade do arte que hai en Galicia. Arte e artistas galegos. A iniciativa comezou hai xa tres anos no CEIP de Cervo e extendeuse a moitos dos centros da zona. Participan uns 40 artistas moi diversos da Mariña. Eles visitan os colexios, acercan a maxia da arte aos máis pequenos con obradoiros e actividades. Logo fan unha Exposición colectiva na que participa cada artista con unha ou varias obras plásticas: pintura, escultura, fotografía,...para plasmar e comunicar sentimentos e significados.
Haberá que acercarse e visitar a Exposición. Ainda que se programe algunha visita desde os colexios, as familias poden disfrutar da Exposición no momento que mellor cadre, pois o horario é bastante amplio,non si?
Artistas e mestres presentan o cartaz anunciador da Exposición, na Fábrica de c de Sargadelos.
Sabemos que antes das Letras Galegas e dos Maios hai que pasar a Feria de Abril, O Rocío...
Pero, como queremos facer unha interesante actividade sorpresa antes das Letras... necesitamos un texto en concreto...
Trátase da obra teatralAgromar ,farsa para rapaces (1936) escrita por Figueira Valverde baixo o pseudónimo de J. Acuña., impresa no Obradoiro de Palacios, en Lugo. Portada debuxada polo pintor Torres.
O Equipo de Dinamización da Lingua anda á procura do texto de Agromar. Non atopamos nas librerías, nin nas específicas e de confianza.
Se alguén, por casualidade , ten o texto na casa, por favor, rogamos que nos faga un préstamo temporal.
Grazas pola colaboración!
O grupo elexido para representar a Os Nazarenos non foi outro que 6º curso. Por que sexto? Pois...por moitas razóns:
Porque eles viven moi intensamente a Semana Santa, encántalles a Imaxinería e unha importante maioría deles e delas participan moi activamente na Semana Santa dos Nenos.
Da zona Norte de Galicia á zona Sur de Andalucía, unidos por dúas cousas: Pola Semana Santa e polo bo tempo que estamos a ter esta Santa Semana.
Galicia e Andalucía. Tambores e saetas ao paso das imaxes.
Cómo se fixo para que saíra tan ben? Pois facéndoo ben desde o comenzo. Documentándose!
OS NAZARENOS.
OBRADOIRO DOS TRAXES. PASIÑO A PASIÑO.
O cadro de partida...
Los Nazarenos, 1914. Un dos grandes paneis óleo sobre lenzo da colección Visión de España que decora a Biblioteca da Hispanic Society de Nueva York.
pintor valenciano JOAQUÍN SOROLLA Y BASTIDA. (1863-1923)
Antonio Najarro , director do Ballet Nacional de España, tivo unha idea xenial para xuntar o Arte coa Danza. Reuniu a grandes coreógrafos, escenógrafos, músicos e deseñadores do vestuario para levar a cabo o Espectáculo Sorolla, incluindo unha interesante coreografía para Os Nazarenos.
ESPECTÁCULO SOROLLA. ARTISTAS
Coreógrafos: Arantxa Carmona, Miguel Fuente, Manuel Liñan e Antonio Najarro.
Director de escena: Franco Dragone
Asistente de director de escena: Pascal Jacob
Deseño de Escenografía: Vicent Lemaire
Música: Juan José Colomer
Iluminación: Felipe Ramos y Ginés Caballero.
Vestiario: Nicolás Vaudelet
Maquillaxe: Eduardo Jimenez, de Yves Saint Laurent
Escena do Espectáculo SOROLLA , onde os Nazarenos saen dun gran marco dun cadro para facer unha espectacular coreografía.
Impresionante! Recomendamos ver o Espectáculo Sorolla.
Bailaríns do BNE fotografiados por David Palacín. Exposición BAILANDO A SOROLLA. No Museo Sorolla.2014.
Algún dos detalles da coreografía dos Nazarenos que serviron de base para a adaptación da coreografía e a música, a cargo da mestra Rebeca, da especialidade de Educación Física.
Cantas voltiñas lle deu para encontrar unha música de Semana Santa Andaluza, base e inspiración da coreografía para a BNE !, búsqueda de autoridades e significatividade....
Poñemos estas imaxes con todo o noso respecto e admiración, tan só para que se entenda o acto final que se preparou cos Nazarenos de 6º.
Coreografía do BNE para representar o cadro Los Nazarenos, da Visión de España, de Sorolla.
Seguimos a recomendar ver este Espectáculo Sorolla do BNE e a abraiarse con tremenda posta en escena.
Seguidamente imos contando como se fixo e se adaptou Os Nazarenos á nosa concreta Comunidade escolar.
A mestra Raquel e o mestre Marcial comezaron canto antes a documentarse sobre o deseño do traxe!
Fixeron números (matemáticas) para calcular cantas bolsas precisaban e decidir as cores...
Dificultade 1: Non hai bolsas cor púrpura nin morada como pretendían, buscando as cores da paixón que se vive nesa festividade.
Solución 1: Pedir bolsas amarelas e...azul escuras. Por que estas cores? Ademáis de que combinan moi ben, chaman a atención, son moi alegres para ser levadas por rapaces e rapazas, existe unha Cofradía de Viveiro que emprega case as mesmas cores e..,.unha razón a maiores que tamén se considerou: amarelo e azul son dúas das tres cores primarias, favoritas da paleta do pintor Sorolla.
Dificultade 2: O capuchón ou Capirote. Como facelo?
Solución 2: Fixéronse moitas probas para que non quedase nin moi longo nin moi curto. Leva unha base cónica de cartolina branca. Logo forrouse con bolsa de plástico para disfraces. Moi ceñida no capuchón e máis holgada ou solta na parte de abaixo.Uns buratiños para os ollos.
Unha goma, igual que na realidade, para suxeitar o capirote ás cabezas dos rapaces e rapazas.
Ao final conseguíronse, non sen moito esforzo, uns moi logrados capirotes que o alumnado de 6º levaba para cada un dos ensaios da coreografía.
Dificultade 3: O corpo, con manga longa.
Solución 3: Tiveron que facer un novo encargo de máis bolsas da cor azul escura, para poder facer as mangas...
Parece que se vai logrando, entre todos! Foron os mesmos alumnos e alumnas os encargados de facer un traxe con mangas longas.Medir, recortar, colocar e insertar.
Só falta un toque para facer cinturón e bordos do traxe. Ironfix ou adhesivo amarelo.
Cintiñas de Ironfix para poñerlle bordo ás mangas e ao traxe final.
Os cinturóns foron feitos con tira larga de bolsa amarela.
Só falta traer da casa un calzado negro, digno de Procesión... e os capuchóns xa están amañados.
Unha vez logrado os traxes dos capuchóns...haberá que buscar as autoridades e mantillas españolas que acompañen na procesión.
Un traxe ou vestido negro é fondo de armario de calquera muller. Se o traxe é moi moderno e ten cremalleiras ou detalles dourados, podemos tapalos cun anaquiño de Ironfix negro. Non se nota nadiña!
Tea de mantilla e Peineta flamenca.
Dificultade 4: Non atopamos peineta flamenca de cor negro.
Solución 4: Raquel pillou unha peineta flamenca branca e cun rótulo permanente negro deulle unha e outra vez , varias mans até obter unha verdadeira peineta negra.
Mercou unha tela que poidese servir de mantilla, prendida na peineta.
Marcial desempolvou a capa da banda, que da aire de autoridade e elegancia...e velaquí o resultado!
Xa temos o tema resolto, autoridades e mantilla española, con cirio incluído! O Cirio é un detalle que completa o significado do traxe e da ceremonia.
Reebee...! Como arranxar a coreografía?
Moito toleou a mestra Rebe para buscar unha música de Semana Santa andaluza e para organizar unha boa coreografía basada na coreografía do BNE para Os Nazarenos do Espectáculo Sorolla, pero que tamén sexa significativa da Nosa Semana Santa e da Semana Santa española en xeral.
Limitada pola nova e recente orde de Dereitos de autor...e pouco tempo para a busca...
Dificultade 5: A Banda Sonora libre de dereitos. O pouco tempo de ensaios...
Solución 5: Insistencia. As clases de Educación Física adicadas á coreografía. Os rapaces e rapazas baixaban ao ximnasio cos seus capuchóns.
O DÍA D...DEMOSTRACIÓN
Os nazarenos baixan as escaleiras...
Están eufóricos...
Conscientes do papel que lles toca desempeñar. Desfile, Procesión, coreografía e moita arte!
Comeza a procesión...
Unha verdadeira Procesión onde o capataz do paso manda parar ou avanzar á cadrilla de costaleiros, co bastón de mando. As autoridades e a Mantilla, moi serios, van acompañando detrás. Testigos da actividade dos costaleiros ao mando do capataz.
Momento coreográfico especial, chisco de ollo para o Ballet Nacional de España, que tanto nos axudou no proceso.
Grazas ao Ballet Nacional de España, ao seu director Antonio Najarro e Azucena Huidobro, que tan amablemente nos atendeu e nos axudou para poder facer unha cousa xeitosa.
O video, para poder apreciar moito mellor os detalles e tamén todo esforzo adicado na posta en escena.
Procesión, Simbolismo, significación. Semana Santa Andaluza. Imos ver!
Xenial,non si? Noraboa a todo o grupo! Grazas á colaboración conxunta de todos e todas.
Un acabado para ver unha e outra vez.
Lástima que o escenario non era moi lucido, limitados ao ximnasio.
Os protagonistas do espectáculo, no corredor de arriba, preto da súa aula de 6º curso
E tamén no Photo call...
Perfecto! O único detalle que faltou foi incluir unha saeta en directo.
Que é unha saeta?
Unha saeta é un canto relixioso tradicional interpretado fundamentalmente nas procesións de Semana Santa en España, especialmente en Andalucía, nalgunhas zonas de Extremadura, Castela A Mancha e Murcia.
As saetas flamencas actuais cántanse ao paso das imaxes dunha Procesión de Semana Santa. Adoitan a cantarse desde un balcón baixo. O saeteiro pode ser contratado polas cofradías ou mesmo ser un devoto espontáneo.
En Galicia non se cantan saetas ainda que nalgúns casos como O Encontro, vanse narrando os feitos, por algunha persoa experta. En Galicia prepáranse tambores e A Banda. Intégrase algunha gaita nas procesións. O son dos tambores marcan o paso.
Sentimento, arte e devoción.6º OS NAZARENOS. PASO A PASO.
Igual que o pobo de Viveiro implícase de cheo coa Semana Santa, o alumnado de 6º impliouse con este mini proxecto. Pasiño a pasiño , implicandose e colaborando.
O Entroido na casa e...a Semana Santa na plaza! O noso é xuntar celebracións, festas relixiosas e non relixosas, galegas ou non, de Norte a Sur. As festas son de todos e todas! Hai que disfrutalas antes, durante e tamén despois.
Responsable da documentación: Pablo Dablanca, 5º curso, con bos amigos en 6º, ademáis da súa curmá Alejandra. Documentouse directamente coa súa curmá, os seus amigos e os mestres Marcial, Raquel, Mari Pernas e Ermi . Fotografía: Ermi Orol e Mari Pernas. Vídeo por mestre Javi Sordo. Coreografía. mestra Rebeca.
Grupo Editorial COMO CHO CONTO!Equipo de Dinamización da Lingua.
Reportaxe de Pablo Dablanca e a mestra Ermi Orol. Esperamos que vos guste!
.jpg)
.JPG)
